ليش لازم ألغي الاعجاب بصفحة المنسق؟

السبت 30 مايو 2020 07:33 م بتوقيت القدس المحتلة

ليش لازم ألغي الاعجاب بصفحة المنسق؟

إنك تشيل الإعجاب عن صفحة المنسق مش مجرد حركة ع الفيسبوك..

* شيل الإعجاب خلينا نأسس مرحلة لها ما بعدها ولا عودة لما قبلها.

* شيل الإعجاب عشان من اليوم وطالع ما نسكت عن اي علاقة مع الاحتلال

* شيل الاعجاب عشان ما نقبل مثل ما قبلنا في السابق حضور عسكري من الاحتلال مع مسؤولين كبار بحتفلوا في افتتاح مشاريع في الضفة..

* شيل الإعجاب وساهم في وعي شعبي رادع لكل شخص رح يفكر يبتسم بوجه قتلة أبناء شعبنا

* شيل الإعجاب وخلينا نكمل مع بعض نشيل الاحتلال من عقولنا حتى نقدر نشيله عن أرضنا

* شيل الإعجاب لإنك ممكن تكون واحد من اللي المنسق رح يشارك في جرح قلوبهم بأحبابهم..

* شيل الإعجاب خلينا نعالج وعينا اللي انكوى من سنين.

* شيل الإعجاب لأنه عدوي وانت أخوي

كلنا بنعرف انه ممكن تدخل صفحته بدون الإعجاب فيها.. بس ما تقبل ع حالك تكون رقم من الأرقام اللي بتفاخر لما يحكي عن عدد متابعينه..